रसुवा । भोटेकोशी बाढीपछि बेपत्ताको खोजी, घाइतेको उद्धार र शव पहिचानको कामलाई सुरक्षा निकायले तीव्रता दिएको छ। हालसम्म एक हजार ३४१ जनाको शव फेला परेको भए पनि चार हजार ४४ जना अझै सम्पर्कविहीन रहेको नेपाल प्रहरीले जनाएको छ।
प्रहरीका अनुसार फेला परेका शवमध्ये ३२५ महिला र ५२३ पुरुषका छन्। ४९३ शव भने पहिचान गर्न नसकिने अवस्थामा फेला परेका छन्।
सम्पर्कविहीन हुनेमा स्वदेशी पुरुष दुई हजार ८६३, महिला ५७५, विदेशी पुरुष २६९, विदेशी महिला ३३२ र अन्य पाँच जना छन्।
बाढीपछि नौ हजार १५१ जना घाइतेको उद्धार गरिएको छ। उद्धार गरिएका तीन हजार ९८ जनालाई होल्डिङ सेन्टरमा राखिएको प्रहरीले जनाएको छ।
फेला परेका शवमध्ये एक हजार ३७ वटा सुरक्षित रूपमा जमिनमा गाडेर व्यवस्थापन गरिएको छ। बाँकी शवको पहिचान तथा व्यवस्थापनको प्रक्रिया अघि बढाइएको छ।
यसैबीच, मृतक एक हजार २८६ जना र उनीहरूका आफन्त एक हजार १८६ जनाको गरी दुई हजार ४७२ जनाको डिएनए नमुना संकलन गरिएको छ। डिएनए परीक्षणमार्फत बेपत्ता व्यक्तिको पहिचान तथा शवको सनाखत गर्ने कार्यलाई प्राथमिकतामा राखिएको प्रहरीले जनाएको छ।
