७ सय रुपैँयाले बढ्यो सुनको मूल्य

काठमाडौँ । नेपाली बजारमा आज सुनको मूल्य ७ सय रुपैँयाले बढेको छ । अघिल्लो दिन प्रतितोला ९२ हजार ७ सय रुपैँयामा कारोबार भएको छापावाल सुन आज ७ सय रुपैँयाले बढेर ९३ हजार ४ सय रुपैँया कायम भएको नेपाल सुनचाँदी व्यवसायी महासंघले जनाएको छ ।

महासंघका अनुसार तेजाबी सुनको आजको मूल्य प्रतितोला ९२ हजार ९ सय रुपैँया तोकिएको छ । जसको मूल्य गत शुक्रबार प्रतितोला  ९२ हजार २ सय रुपैँया तोकिएको थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १० रुपैँयाले बढेर एक हजार २ सय ७० रुपैँया पुगेको महासङ्घले जनाएको छ ।