काभ्रेमा आज २ जनामा कोरोना संक्रमण

काभ्रे (धुलिखेल) – जिल्लामा आज थप २ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । कार्यालयका अनुसार जिल्लामा अहिले २४ जना महिला र ३० जना पुरुष गरी ५४ जना सक्रिय कोरोना संक्रमित रहेका छन् ।

पछिल्लो २४ घण्टामा गरीएको ३४ पिसिआर र ४ वटा एन्टिजेन गरी कुल ३७ वटा परीक्षणमा २ वटा एन्टिजेन रिपोर्ट पोजेटिभ आएको छ । योसँगै जिल्लामा कुल कोरोना संक्रमितको संख्या १४ हजार ९ सय २ पुगेको छ । जसमध्ये १४ हजार ६ सय ५५ जना संक्रमणमुक्त भएका छन् । अहिलेसम्म काभ्रेमा कोरोना संक्रमणका कारण १ सय ९३ जनाको मृत्यु भइसकेको छ ।

जिल्लामा आज १२ जना महिला र १४ जना पुरुष गरी २६ जनाले पहिलो मात्राको भेरोसेल खोप लगाएको कार्यालयको जानकारी छ । कार्यालयका अनुसार ३४ जना महिला र ३४ जना पुरुष गरी ६८ जनाले दोस्रो मात्राको भेरोसेल खोप लगाएका छन् ।