भारतमा ओमिक्रोनबाट संक्रमित हुनेको संख्या ३ हजारभन्दा बढी

भारतमा कोरोना भाइरसको नयाँ भेरियन्ट ‘ओमिक्रोन’ बाट संक्रमित हुनेको संख्या ३ हजार ७१ पुगेको छ । संक्रमितमध्ये एक हजार २०३ जना निको भइसकेका छन् ।

सबैभन्दा धेरै महाराष्ट्रमा ८७६, रहेका छन् । यसैगरी दिल्लीमा ५१३ र कर्नाटकमा ३३३ जनामा संक्रमण पुष्टि भएको भारतीय स्वास्थ्य मन्त्रालयले जनाएको छ । बितेको २४ घन्टामा भारतमा एक लाख ४१ हजार ५२५ जनामा कोरोना संक्रमण पुष्टि भएको छ। गएको मे महिनापछि यति धेरै संख्यामा संक्रमित भेटिएका हुन् । यसैगरी १२९ जनाले ज्यान गुमाएका छन् ।

जोन्स होप्किन्स युनिभर्सिटीका अनुसार भारतमा कोरोना संक्रमित हुनेको संख्या ३ करोड ५२ लाख २६ हजार ३८६ पुगेको छ भने हालसम्म चार लाख ८३ हजार १७८ जना संक्रमितले ज्यान गुमाइसकेका छन् ।