‘सार्वजनिक स्थलमा २५ जनाभन्दा बढी भेला हुन नपाइने’: सीसीएमसी

काठमाडौं – सार्वजनिक स्थलमा २५ जनाभन्दा बढी भेला हुन नपाइने भएको छ । आइतबार बसेको कोभिड १९ व्यवस्थापन समितिको बैठक (सीसीएमसी)ले सो निर्णय गरेको हो ।

कोभिड–१९ संकट व्यवस्थापन समन्वय केन्द्रकी प्रवक्ता सहसचिव सुनिता नेपालका अनुसार सार्वजनिक स्थलमा २५ जना भन्दा बढी जम्मा हुने गरी भेला भेला, महोत्सव लगायत आयोजना नगर्न गृह मन्त्रालयमार्फत स्थानीय प्रशासनलाई लेखिपठाउन सिफारिस बैठकले गरेको छ ।

बैठकले राजनीतिक भेलालगायतका भिडभाडजन्य गतिविधि नगर्न पनि आह्वान गरेको छ। कोरोना सङ्क्रमणको बढ्दो जोखिमलाई मध्यनजर गरेर यो निर्णय भएको उनको भनाइ छ । गर्नै परेको खण्डमा स्थानीय प्रशासनको अनुमति लिएर मात्रै गर्न बैठकले अनुरोध गरेको छ ।