बढुवा भएका प्रहरी हवल्दारहरुलाई दर्ज्यानी चिन्ह प्रदान
काभ्रे (धुलिखेल) – जिल्ला प्रहरी कार्यालय काभ्रेपलाञ्चोकले जनपद प्रहरी समूह तर्फको प्रहरी जवान पदबाट प्रहरी हवल्दारमा बढुवा भएकाहरुलाई दर्ज्यानी चिन्ह प्रदान गरेको छ ।
प्रमुख प्रहरी उपरीक्षक भूपेन्द्र बहादुर खत्रीको प्रमुख आतिथ्यतामा एक विशेष कार्यक्रमको आयोजना गरी बढुवा भएका प्रहरी हवल्दारहरुलाई दर्ज्यानी चिन्ह सुशोभन कार्यक्रम सम्पन्न भएको हो । दर्ज्यानी चिन्हबाट सुशोभीत हुने प्रहरी प्रहरी हवल्दारहरुमा सुनिल रिमाल, नर बहादुर माझी र सन्तोष गुरुङ्ग रहेका छन् । प्रहरी प्रमुख खत्रीले आज उनीहरुलाई दर्ज्यानी चिन्ह प्रदान गरेका हुन् ।
प्रहरी हवल्दारबाट प्रहरी सहायक निरीक्षक पदमा बढुवा भएका सम्पूर्ण प्रहरी हवल्दारहरुलाई जिल्ला प्रहरी कार्यालय काभ्रेका प्रमुख प्रहरी उपरीक्षक भूपेन्द्र बहादुर खत्रीले सफल कार्यकालको शुभकामना दिएका छन् ।
उक्त कार्यालय र मातहत प्रहरी कार्यालयमा कार्यरत सिनियर प्रहरी अधिकृतहरु, जुनियर प्रहरी अधिकृत र प्रहरी हवल्दार तथा जवानहरुको उपस्थितीमा दर्ज्यानी चिन्ह सुशोभन कार्यक्रम सम्पन्न भएको हो ।
यो खबर पढेर तपाईलाई कस्तो महसुस भयो ?
