जेनिस उप्रेती बने दि भ्वइस किड्स नेपालको पहिलो बिजेता

काभ्रे (बनेपा) – दि भ्वइस किड्स नेपालको पहिलो बिजेता जेनिस उप्रेती बनेका छन् । टिम प्रमोद खरेलका जेनिसले दि भ्वइस किड्स नेपालको उपाधी पाएका हुन् । फाइनलमा पुगेका ८ जना प्रतिस्पर्धीलाई पछि पार्दै उनी पहिलो द भ्वाइस किड्स नेपाल बनेका हुन् । दि भ्वइस किड्स नेपालका बिजेता जेनिसले ट्रफी सहित १५ लाख रुपैयाँ पुरस्कार जितेका हुन् ।

यो फ्रेन्चाइजी शो नेपालमा केही वर्ष अगाडि नै आएको हो । द भ्वाइस अफ नेपालको सिनियरतर्फ यसअघि नै ३ सिजन पूरा भइसकेको छ । तर, १४ वर्षमुनिका बालबालिकाको लागि बनाइएको बालबालिका संस्करण ‘द भ्वाइस किड्स नेपाल’को यो पहिलो सिजन थियो ।