धादिङ पहिरो अपडेट : काभ्रेका राजुको शव फेला, दुई जनाको अवस्था अनभिज्ञ

काभ्रे (बनेपा) – धादिङको रुबी भ्याली गाउँपालिका –१ मा गत बिहीबार गएको पहिरोमा पुरिएर बेपत्ता भएका ३ जनामध्ये काभ्रेका राजुको शव फेला परेको छ । अन्य दुई जनाको अवस्था बारे अझै अनभिज्ञ रहेको जिल्ला प्रहरी कार्यालय धादिङले जनाएको छ ।

शनिबार अपराह्न डोजरका सहचालक काभ्रेका राजु तामाङको शव फेला परेको जिल्ला प्रहरी कार्यालय धादिङका डिएसपी एवम् प्रवक्ता जागेश्वर भण्डारीले बताए । उनका अनुसार राजुको शवलाई आज आफन्तको जिम्मा लगाउने तयारी गरिएको छ । पहिरोमा पुरिएका डोजर चालक आकाश तामाङ र स्थानीय अनिश तामाङको खोजी कार्य जारी रहेको डिएसपी भण्डारीले जानकारी दिए ।