४४ औ बर्षमा सरस्वती मा.वि

बेथानचोक (पार्थली) : श्री सरस्वती माध्यमिक विद्यालय बेथानचोक-४ ले आफ्नो स्थापनाको ४३ औ जन्मोत्सब बेथानचोक गाउँपालिकाका अध्यक्ष प्रेमबहादुर तिमल्सिनाको प्रमुख आतिथ्यता सम्पन्न गरेको छ ।

वार्षिकोत्सब भव्य रूपमा मनाउने चाहना हुँदाहुँदै कोरोनाको बढ्दो सङक्रमणलाई मध्यनजर गर्दै सामान्य रुपमा वार्षिकोत्सब मनाएको बिद्यालयको प्राध्यापक कृष्ण अधिकारीले जानकारी दिए । उनले परिस्थितिजन्य कारण छिमेकी विद्यालयहरु, सहयोगी दाताहरु, अभिभावक ज्युहरु, पुर्व-विद्यार्थीहरु लगायतलाई विद्यालयको कार्यक्रममा उपस्थित गराउन नसकेकोमा क्षमा मागेका छन् ।

कार्यक्रममा गाउपालिका अध्यक्ष प्रेमबहादुर तिमल्सिना, विद्यालय ब्यबस्थापन समितीका अध्यक्ष तेज बहादुर तिमल्सिना, विद्यालय ब्यबस्थापन समितीका सदस्य सबिन श्रेष्ठ, शिक्षक अभिभावक संघका पुर्व- अध्यक्ष प्रेम प्रसाद श्रेष्ठ र पुर्व-शिक्षक ठुलोबाबु तिमल्सिना लगायतले मन्तब्य राख्दै विद्यालयको शैक्षिक प्रगतिको लागि शुभकामना व्यक्त गरे ।

कार्यक्रममा पुर्व शिक्षक तथा प्रधानाध्यापक ठुलोबाबु तिमल्सिनाले अक्षयकोष मार्फत गरिब तथा अपाङ्ग विद्यार्थीहरुलाई नगद छात्रवृत्ति समेत प्रदान गरे ।