काभ्रेमा एकैदिन १ सय ७३ जनामा संक्रमण

काभ्रे (धुलिखेल) : जिल्लामा आज एकैदिन १ सय ७३ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । कार्यालयका अनुसार जिल्लामा अहिले ३ सय ४४ जना महिला र ४ सय ४८ जना पुरुष गरी ७ सय ९२ जना सक्रिय संक्रमित रहेका छन् ।

पछिल्लो २४ घण्टामा गरिएको ४ सय ६९ वटा पिसिआर र ७५ वटा एन्टिजेन गरी कुल ५ सय ४४ वटा परीक्षणमा १ सय ४६ पिसिआर र ७५ वटा एन्टिजेन गरी १ सय ७३ वटा रिपोर्ट पोजेटिभ आएको कार्यालयको जानकारी छ । योसँगै जिल्लामा कुल कोरोना संक्रमितको संख्या १५ हजार ७ सय १ पुगेको छ ।

जिल्लामा आज ४ जनाको उपचारपछि संक्रमणमुक्त भएसँगै १४ हजार ७ सय १५ जना उपचारपछि संक्रमणमुक्त भएको कार्यालयले जनाएको छ । जिल्लामा अहिलेसम्म १ सय ९४ जनाको कोरोना संक्रमणका कारण मृत्यु भइसकेको छ ।