लोक सेवाका परीक्षा स्थगित

काठमाडौं : कोरोना संक्रमण तीव्र रूपमा फैलिएको भन्दै लोक सेवा आयोगका लिखित परीक्षाहरु स्थगित गरिएको छ। आयोगले माघ ११ देखि माघ मसान्तसम्मका लागि आयोगका लिखित परीक्षाहरु स्थगित गर्ने निर्णय गरेको हो।

आज बसेको बैठकले माघ ११ देखि हुने भनिएका लिखित परीक्षाहरु माघ मसान्तसम्मका लागि स्थगित गर्ने निर्णय गरेको आयोगका उपसचिव एकनारायण शर्माले जानकारी दिए। माघ ११ गतेदेखि उपसचिवको लिखित परीक्षा हुने कार्यक्रम थियो। संगठित संस्थाका परीक्षाहरु पनि यही बीचमा गर्ने तय भएका थिए।

कही दिनयता तीव्र रुपमा फैलिएको कोरोना संक्रमण लोक सेवा आयोगका केही कर्मचारीहरुमा पनि देखिएको थियो। त्रिभुवन विश्वविद्यालयले पनि आजै सूचना जारी गरेर माघ ९ गतेदेखिका सबै परीक्षा स्थगित भएको जनाइसकेको छ।