देशभर १० हजार ७०३ जनामा संक्रमण पुष्टि

काठमाडौँ : पछिल्लो २४ घण्टामा नेपालमा थप १० हजार ७०३ जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २३ हजार ९२ जनाको कोरोना परीक्षण गर्दा सो संख्यामा संक्रमित थपिएका हुन्।

१८ हजार ६१८ जनाको पिसिआर परीक्षण र ४ हजार ४७४ जनाको एन्टिजेन परीक्षण गरिएको थियो। शुक्रबार निको हुनेको संख्या ७६६ रहेको छ भने मृत्यु हुनेको संख्या ३ रहेको छ ।

हालसम्म संक्रमितको संख्या पिसिआर परीक्षणबाट ८ लाख ९६ हजार ५८४ र एन्टिजेन परीक्षणबाट १ लाख १० हजार ७ रहेको छ। हालसम्म निको हुनेको कूल संख्या ८ लाख १९ हजार ५७५ पुगेको छ। हालसम्म मृत्यु हुनेको संख्या ११ हजार ६३५ रहेको छ। नेपालमा हाल ६५ हजार ३७४ जना सक्रिय संक्रमित छन्।