काभ्रे कोरोना अपडेट: १७ जनामा संक्रमण, १९ जना संक्रमणमुक्त

काभ्रे : जिल्लामा आज नयाँ संक्रमितभन्दा संक्रमणमुक्त हुनेको संख्या धेरै रहेको छ । काभ्रेमा आज थप १७ जनामा संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । कार्यालयका अनुसार जिल्लामा आज १९ जना उपचारपछि संक्रमणमुक्त भएका छन् ।

पछिल्लो २४ घण्टामा गरिएको ५३ वटा एन्टिजेन परीक्षणमा १७ जना वटा रिपोर्ट पोजेटिभ आएको छ । योसँगै जिल्लामा कुल कोरोना संक्रमितको संख्या १६ हजार १ सय ५३ पुगेको छ । जसमध्ये १४ हजार ७ सय ६० जना उपचारपछि संक्रमणमुक्त भएको कार्यालयले जनाएको छ ।

जिल्लामा अहिले ५ सय ४१ जना महिला र ६ सय ५८ जना पुरुष गरी ११ सय ९९ जना सक्रिय संक्रमित रहेका छन् । जिल्लामा अहिलेसम्म १ सय ९४ जनाको कोरोना संक्रमणका कारण मृत्यु भइसकेको छ ।