होटलमा बन्धक बनाएर महिलामाथि सामूहिक बलात्कार : एक जना पक्राउ

मोरङ : मोरङको होटलमा बन्धक बनाएर महिलामाथि सामूहिक बलात्कार गर्नेमध्ये एक जनालाई प्रहरीले पक्राउ गरेको छ । शनिबार साँझ मोरङको सुन्दरहरैचा नगरपालिका–४ बलियास्थित ३० वर्षीया महिलालाई होटलमा लगेर बन्धक बनाइ ३ जनाले बलात्कार गरेको प्रारम्भिक अनुसन्धानबाट खुलेको मोरङका एसपी जनर्दन जिसिले जानकारी दिए ।

इटहरीबाट बहिनीको घर गछिया जाँदै गरेकी महिलालाई ३ आरोपीहरुले ‘बहिनीको घरमा छाडिदिन्छौँ’ भनेर प्रदेश–२–०१–००१ च २२७ नम्बरको गाडीमा राखेर ‘श्रेष्ठ होटल एण्ड फेमिली लज’मा लगेका थिए । सो होटलमा उनीहरुले बलात्कार गरेको प्रहरीको भनाई छ । बलात्कारमा संलग्न रहेको आरोपमा होटल संचालक ३६ वर्षीय अर्जुन श्रेष्ठलाई पक्राउ गरिएको एसपी जिसीले बताए । घटनामा संलग्न दुई जना फरार छन् ।