काभ्रे कोरोना अपडेट : १ सय ७ जनामा संक्रमण, २ सय १८ जना संक्रमणमुक्त

काभ्रे : जिल्लामा आज थप १ सय ७ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । कार्यालयका अनुसार जिल्लामा अहिले ७ सय ८ जना महिला र ७ सय ४७ जना पुरुष गरी १४ सय ५५ जना सक्रिय संक्रमित रहेका छन् ।

पछिल्लो २४ घण्टामा गरिएको १ सय १ वटा पिसिआर र १ सय २ वटा एन्टिजेन गरी कुल २ सय ३ वटा परीक्षणमा ४९ वटा पिसिआर र ५८ वटा एन्टिजेन गरी १ सय ७ संक्रमित फेला परेका छन् । योसँगै जिल्लामा कुल कोरोना संक्रमितको संख्या १६ हजार ८ सय ३६ पुगेको छ ।

जिल्लामा आज २ सय १८ जना संक्रमणमुक्त भएसँगै उपचारपछि संक्रमणमुक्त हुनेको संख्या १५ हजार १ सय ८६ पुगेको छ । कोरोना संक्रमणका कारण काभ्रेमा आज धुलिखेलका ८५ वर्षीय पुरुषको उपचारको क्रममा मृत्यु भएको कार्यालयको जानकारी छ । योसँगै जिल्लामा कोरोना संक्रमणका कारण मृत्यु हुनेको संख्या १ सय ९५ पुगेको छ ।