काभ्रे कोरोना अपडेट : ६३ जनामा संक्रमण, १ सय २२ जना संक्रमणमुक्त

काभ्रे : जिल्लामा आज थप ६३ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । कार्यालयका अनुसार काभ्रेमा आज १ सय २२ जना उपचारपछि संक्रमणमुक्त भएका छन् ।

पछिल्लो २४ घण्टामा गरिएको ८७ वटा पिसिआर र ३९ वटा एन्टिजेन गरी कुल १ सय २६ वटा परीक्षण्मा ४० वटा पिसिआर र २३ वटा एन्टिजेन गरी ६३ वटा रिपोर्ट पोजेटिभ आएको कार्यालयको जानकारी छ । योसँगै जिल्लामा कुल कोरोना संक्रमितको संख्या १७ हजार ३ सय २३ पुगेको छ । जसमध्ये १६ हजार २ सय १९ जना उपचारपछि संक्रमणमुक्त भएका छन् ।

जिल्लामा अहिले ४ सय ४० जना महिला र ४ सय ९७ जना पुरुष गरी ९ सय ७ सक्रिय कोरोना संक्रमित रहेको कार्यालयको जानकारी छ । काभ्रेमा अहिलेसम्म १ सय ९५ जनाको कोरोना संक्रमणका कारण मृत्यु भइसकेको छ ।