बहुप्रतीक्षित साउथ इन्डियन फिल्म ‘आरआरआर’को नयाँ रिलिज डेट सार्वजनिक

बहुप्रतीक्षित साउथ इन्डियन फिल्म ‘आरआरआर’ले नयाँ रिलिज डेट सार्वजनिक गरेको छ। कोरोनाका कारण रोकिएको यो फिल्म मार्च २५ मा रिलिज हुने भएको हो।यसअघि सन् २०२२ जनवरी ७ लाई रिलिज मिति तोकेर निर्माण टोली व्यापक प्रचारमा लागेको थियो ।

तर कोरोनाको नयाँ लहर फैलिएसँगै सिनेमा हलहरु बन्द भएपछि फिल्म रिलिज स्थगित गरिएको थियो।  भारतलगायत विश्वभर कोरोनाको तेस्रो लहर फैलिएपछि धेरै चलचित्रले प्रदर्शन मिति सारेका छन् भने कति अन्योलतामै रहेका छन् । चलचित्र आरआरआरका लागि निर्माण टिमले भिभिन्न मितिमा छलफल गरे पनि अरुसँग नजुध्ने गरेर नयाँ मिति तोकेको हो ।

मार्च १८ मा अक्षयकुमारको ‘बच्चन पाण्डे’ र २८ अप्रिलमा अजय देवगनको ‘रनवे ३४’ रिलिज हुने भएपछि यी दुवै मिति छलेर ‘आरआरआर’ मार्च २५ मा रिलिज हुने भएको हो।

एसएस राजामौलीले निर्देशन गरेको यो फिल्ममा जुनियर एनटीआर, रामचरण, अजय देवगण, आलिया भट्टलगायतका कलाकारले अभिनय गरेका छन् । यो फिल्म हिन्दी, तामिल, तेलुगू, मलयालम र कन्नडा भाषामा पनि रिलिज हुँदै छ।