सिटिइभिटीका सबै स्थगित परीक्षा फागुन ६ गतेदेखि सञ्चालन हुने
बुधबार, माघ १९, २०७८ | १५:०२:२८
काठमाडौँ : प्राविधिक शिक्षा तथा व्यावसायिक तालिम परिषद् (सिटिइभिटी) का सबै स्थगित परीक्षाहरू सञ्चालन हुने भएको छ। परीक्षा नियन्त्रण कार्यालयले मंगलबार सूचना जारी गर्दै स्थगित भएका सबै परिक्षाहरू पुन :सुचारू गर्ने जानकारी दिएको हो।
परीक्षा फागुन ६ गतेदेखि हुने भएको छ। सिटिइभिटीले सम्पूर्ण परीक्षा कोभिड-१९ संकट व्यवस्थापन समन्वय केन्द्र (सिसिएमसी) र सरकारले तोकेको स्वास्थ्य मापदण्डको पूर्ण रूपमा पालना गरी सञ्चालन गर्ने बताएको छ। यसअघि कोभिड-१९को संक्रमण तिव्र गतिमा फैलिएपछि सिटिइभिटीले परीक्षालाई स्थगित गरेको थियो।
यो खबर पढेर तपाईलाई कस्तो महसुस भयो ?
