ओलम्पिक खेल्न गएका ३२ खेलाडी आइसोलेसनमा
मंगलबार, माघ २५, २०७८ | १५:४५:०८
बेईजिङ विन्टर ओलम्पिक खेल्न गएका खेलाडी आइसोलेसनमा रहेका छन् । ओलम्पिक अन्तर्गत मंगलबारसम्म ३२ जना खेलाडी आइसोलेसनमा रहेका छन् । आयोजक चीनका अनुसार कोभिड–१९ पोजेटिभ देखिएपछि ३२ जनालाई आइसोलेसनमा राखिएको जनाएको छ ।
अधिकांश खेलाडीहरुलाई सात दिनसम्म आइसोलेसनमा राख्ने गरिएको छ । हालसम्म ५० जना खेलाडी आइसोलेसनबाट बाहिर निस्किसकेका छन् । खेलाडीहरुको दैनिक कोभिड परिक्षण भइरहेको तथा रिर्पोट नेगेटिभ नआएसम्म आइसोलेसनमा राखिने गरिएको छ ।
तर आइसोलेसनमा रहेका खेलाडीहरुले स्वच्छ खाना नपाएको, कोठामा सफाईको कमी भएको तथा अभ्यास सामाग्रीको कमी भएको गुनासो गरेका छन् । विन्टर ओलम्पिकका लागि बाहिरबाट चीनमा १२ हजार ८ सय मानिस आएका छन् ।
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खबर
