बनेपा बजारमा सवारी चाप बढ्दो : ट्राफिक व्यवस्थापन घट्दो

काभ्रे : बनेपा बजारमा अहिले सवारी चाप निकै बढेको छ । बनेपा हुदैँ पनौती जाने बाटोमा अत्याधिक सवारी चाप बढेको छ । पनौतीमा लागेको मकर मेलाका कारण बनेपा बजारमा सवारी चाप बढेको हो । गत शनिबारदेखि उक्त सडक खण्डमा सवारी चाप बढ्दै गएको छ ।

बनेपाको तिनदोबाटोदेखि नै सडकमा सवारी चाप बढेको छ । उक्त सडक खण्डमा सवारीको चाप बढेपनि सवारी व्यवस्थापनमा ट्राफिक प्रहरीको सक्रियता भने देखिदैँन । ट्राफिक प्रहरीले सवारीको राम्रो व्यस्थापन गर्न नसक्दा सडकमा सवारी अस्तव्यस्त देखिन्छन् ।

सडकमा सवारीको उचित व्यवस्थापन हुन नसक्दा ट्राफिक प्रहरी भने कम जनशक्ति कारण व्यवस्थापन गर्न नसकिएको बताइरहन्छ ।