काभ्रेमा आज १० जनामा संक्रमण, २७ जना संक्रमणमुक्त

काभ्रे : पछिल्लो २४ घण्टामा गरिएको ८१ वटा परीक्षण्मा १० जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । कार्यालयक अनुसार ६६ वटा पिसिआर र १५ वटा एन्टिजेन गरी ८१ वटा परीक्षण गरिएकोमा ८ वटा पिसिआर र २ वटा एन्टिजेन गरी १० वटा रिपोर्ट पोजेटिभ आएको छ ।

योसँगै जिल्लामा कुल कोरोना संक्रमितको संख्या १७ हजार ४ सय ८३ पुगेको छ । काभ्रेमा आज २७ जना संक्रमणमुक्त भएसँगै उपचारपछि संक्रमणमुक्त हुनेको संख्या १७ हजार १ सय ५२ पुगेको छ ।

जिल्लामा अहिले ७१ जना महिला र ६५ जना पुरुष गरी १ सय ३६ जना सक्रिय कोरोना संक्रमित रहेका छन् । जिल्लामा अहिलेसम्म १ सय ९५ जनाको कोरोना संक्रमणका कारण मृत्यु भइसकेको छ ।