काभ्रेमा आज २ जनामा संक्रमण, ६ जना संक्रमणमुक्त
शनिबार, फाल्गुण ०७, २०७८ | १८:२८:१६
काभ्रे : जिल्लामा आज थप २ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । कार्यालयका अनुसार जिल्लामा आज ६ जना उपचारपछि संक्रमणमुक्त भएका छन् ।
कार्यालयका अनुसार पछिल्लो २४ घण्टामा गरिएको २० वटा पिसिआर र २ वटा एन्टिजेन गरी २२ वटा परीक्षणमा २ वटा पिसिआर रिपोर्ट पोजेटिभ आएको छ । योसँगै जिल्लामा कुल कोरोना संक्रमितको संख्या १७ हजार ५ सय ३९ पुगेको छ । जसमध्ये १७ हजार ३ सय १० जना उपचारपछि संक्रमणमुक्त भएका छन् ।
जिल्लामा अहिले २३ जना महिला र १५ जना पुरुष गरी ३८ जना सक्रिय कोरोना संक्रमित रहेका छन् । जिल्लामा अहिलेसम्म १ सय ९५ जनाको कोरोना संक्रमणका कारण मृत्यु भइसकेको छ ।
यो खबर पढेर तपाईलाई कस्तो महसुस भयो ?
