ट्रिपरको ठक्करबाट काभ्रे महाभारतकी ८ वर्षीय बालिकाको मृत्यु
आइतबार, फाल्गुण ०८, २०७८ | ११:०७:२९
काभ्रे : ट्रिपरको ठक्करबाट काभ्रेको महाभारत गाउँपालिका–२ की ८ वर्षीया बालिका विनिता मगरको मृत्यु भएको छ । भक्तपुरको चाँगुनारायण नगरपालिका–८ सुडाल रानीबारीमा बा ४ ख ७३५२ नम्बरको ट्रिपरले ठक्कर दिँदा बालिकाको मृत्यु भएको प्रहरीले जनाएको छ ।
सुडालबाट च्यामासिंहतर्फ आउँदै गरेको टिप्परले शनिबार राति करिब १० बजे ठक्कर दिएको थियो । ट्रिपरको ठक्करबाट घाइते भएकी उनलाई ख्वप अस्पताल पुर्याइए पनि उपचारको क्रममा उनको आइतबार बिहान ४ बजे मृत्यु भएको महानगरीय प्रहरी परिसर, भक्तपुरका प्रहरी नायब उपरीक्षक राजु पाण्डेले जानकारी दिए ।
उनका अनुसार प्रहरीले ट्रिपरर सो ट्रिपरका चालक भक्तपुर जेलाका २७ वर्षीय राजेश कुस्मालाई पक्राउ गरी नियन्त्रणमा लिइ घटनाबारे थप अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खबर
