काभ्रेमा आज ४ जनामा संक्रमण, १० जना संक्रमणमुक्त

काभ्रे : जिल्लामा आज ४ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ । कार्यालयका अनुसार जिल्लामा आज १० जना उपचारपछि संक्रमणमुक्त भएका छन् ।

पछिल्लो २४ घण्टामा गरिएको १९ वटा पिसिआर र ३ वटा एन्टिजेन गरी १९ वटा परीक्षणमा ४ वटा पिसिआर रिपोर्ट पोजेटिभ आएको कार्यालयको जानकारी छ । योसँगै जिल्लामा कुल कोरोना संक्रमितको संख्या १७ हजार ५ सय ४९ पुगेको छ । जसमध्ये १७ हजार ३ सय २६ जना उपचारपछि संक्रमणमुक्त भएका छन् ।

जिल्लामा अहिले २० जना महिला र ८ जना सक्रिय कोरोना संक्रमित रहेका छन् । काभ्रेमा अहिलेसम्म १ सय ९५ जनाको कोरोना संक्रमणका कारण मृत्यु भइसकेको छ ।