सडक पिच नगरेको भन्दै स्थानीयले गरे बनेपा–पनौती सडक खण्ड अबरुद्ध

काभ्रे : सडक पिच नगरेको भन्दै स्थानीयले बनेपा-पनौती सडक खण्ड अबरुद्ध गरेका छन् ।

सडक पिच नगरेकाले धुलो उडेर स्थानीय जनतालाई स्वास्थ्यमा समेत असर परेको भएको भन्दै स्थानीयले बनेपा–पनौती सडक खण्ड अन्तर्गत धनेश्वर पुलदेखि खड्पुचोकसम्म सडक अवरुद्ध गरेको इलाका प्रहरी कार्यालय बनेपा काभ्रेका प्रमुख प्रहरी निरीक्षक राजन कोइरालाले जानकारी दिए ।

उनका अनुसार स्थानीयले छिटोभन्दा छिटो सडक पिच गर्न माग राखेका छन् । यस विषयमा स्थानीय जनप्रतिनिधि, सुरक्षा निकाय र स्थानीयबिच छलफल भइरहेको छ । छलफलसँगै अबरुद्ध गरिएको सडक खुलाउने प्रयास पनि भइरहेको प्रहरी निरीक्षक कोइरालाले बताए ।