धुलिखेलका जेष्ठ नागरिकलाई न्यानो कपडा वितरण
आइतबार, फाल्गुण २२, २०७८ | २१:४६:००
काभ्रे : जिल्लाको धुलिखेल नगरपालिकाका जेष्ठ नागरिकलाई न्यानो कपडा वितरण गरिएको छ ।
धुलिखेल नगरपालिकाको वडा नं ६ मा रहेको जेष्ठ नागरिक सेवा केन्द्र धुलिखेलका जेष्ठ नागरिकलाई आज न्यानो कपडा वितरण गरिएको हो । काभ्रेकी प्रमुख जिल्ला अधिकारी हुमकला पाण्डेले केन्द्रका जेष्ठ नागरिकलाई न्यानो कपडा वितरण गरेकी हुन् ।
Tzu Foundation र धुलिखेल उद्योग वाणिज्य संघको सहकार्यमा केन्द्रका १ सय जना जेष्ठ नागरिकलाई न्यानो कपडा (ब्लाङकेट) वितरण गरिएको धुलिखेल उद्योग वाणिज्य संघका अध्यक्ष मञ्जु कुमार कोजुले जानकारी दिए ।
त्यस्तै उक्त कार्यक्रमको अवसरमा सेन्चुरी बैंक धुलिखेल शाखाले जेष्ठ नागरिक सेवा केन्द्रलाई फर्निचरका सामग्री उपलब्ध गराएको छ ।
यो खबर पढेर तपाईलाई कस्तो महसुस भयो ?
