९ किलो ८ सय ग्राम गाँजा सहित पनौतीका एक पुरुष पक्राउ

काभ्रे : ९ किलोे ८ सय ग्राम गाँजा सहित एक जना पुरुषलाई प्रहरीले पक्राउ गरेको छ । पक्राउ पर्नेमा काभ्रेको पनौती नगरपालिका वडा नं ११ स्थित थुम्कीका ४५ वर्षीय राम कृष्ण के.सी रहेका छन् ।

के.सीको घरबाट लागु औषध सेवन तथा कारोवार गर्नका लागी संचित गरी ९ किलो ८ सय ग्राम अबैध लागु औषध गाँजा लुकाई छिपाई प्याक गरी राखेको अवस्थामा प्रहरी फेला पारेको जिल्ला प्रहरी कार्यालय काभ्रेले जनाएको छ । कार्यालयका अनुसार लागू औषध गाँजा सहित के.सीलाई प्रहरीले  फागुण २२ गते नियन्त्रणमा लिएको हो ।

के.सीमाथि लागू औषध गाँजा मुद्दामा काभ्रेपलाञ्चोक जिल्ला अदालतबाट म्याद थप अनुमती लिई आवश्यक अनुसन्धान भईरहेको प्रहरीले जनाएको छ ।