सुनको मूल्य ६ सय रुपैँयाले बढ्यो

काठमाडौं : नेपाली बजारमा आज सुनको मूल्यमा पुनः बृद्धि भएको छ ।

अघिल्लो दिन प्रतितोला ३५ सय रुपैंयाले घटेको सुनको मूल्य आज ६ सय रुपैँयाले बढेको छ । छापावाल सुनको मूल्यमा ६ सय रुपैँयाले बृद्धि भएर प्रतितोला १ लाख २ हजार ६ सय रुपैंया कायम भएको सुनचाँदी व्यवसाय महासंघले जनाएको छ । बिहीबार सुनको कारोबार प्रतितोला १ लाख २ हजार रुपैंयामा भएको थियो ।

तेजावी सुनको मूल्य आज १ लाख २ हजार १ सय रुपैंया पुगेको छ । यस्तै, चाँदीको मूल्य तोलामा १० रुपैंयाले बढेर प्रतितोला १ हजार ४१५ रुपैंयामा कारोबार हुने महासंघले जनाएको छ । बिहीबार चाँदीको मूल्य १ हजार ४०५ रुपैंया रहेको थियो ।