मकवानपुरमा यात्रुबाहक बस दुर्घटना हुदाँ २ जनाको मृत्यु, ९ घाइते
शुक्रबार, चैत्र ०४, २०७८ | ११:५१:०२
मकवानपुर : मकवानपुरमा शुक्रबार बिहान यात्रुबाहक बस दुर्घटना हुँदा दुई जनाको मृत्यु भएको छ भने ९ जना घाइते भएका छन् ।
दुर्घटनामा परी मृत्यु हुनेमा नुवाकोट तारकेश्वर नगरपालिका–४ का २२ वर्षीय सुवास श्रेष्ठ र सोही ठाउँका २९ वर्षीय शम्भु दराई मगर रहेको जिल्ला प्रहरी कार्यालय मकवानपुरले जनाएको छ।
हेटौंडाबाट चितवन जाँदै गरेको बा४ख ४४५४ नम्बरको यात्रुबाहक बस बिहान पौने ९ बजे मनहरी नगरपालिका-६ मा दुर्घटना भएको प्रहरी नायब उपरीक्षक जयश्वर रिमालले बताए।
उनका अनुसार घाइतेहरूलाई उपचारका लागि चितवन स्थित अस्पताल पठाइएको छ । घटनाबारे थप विवरण आउन बाँकी रहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
