सेल्फी खिच्ने क्रममा घरको रेलिङ भाँचिएर लड्दा एक महिलाको मृत्यु
शुक्रबार, चैत्र ०४, २०७८ | १४:१३:०७
काठमाडौं : होली खेल्ने क्रममा सेल्फी खिच्दा घरको छतबाट लडेर एक महिलाको मृत्यु भएको छ । काठमाडौंको तारकेश्वर नगरपालिका–५ गोलढुङ्गामा होली खेलेर सेल्फी खिच्ने क्रममा आफ्नै घरको चौथो तलाबाट लडेर एकजना महिलाको मृत्यु भएको हो ।
सेल्फी खिच्ने क्रममा घरको चौथो तलाबाट लडेर गोलढुंगा बस्ने ४३ वर्षीया जीवनकुमारी खड्काको मृत्यु भएको महानगरीय प्रहरी परिसर काठमाडौंले जनाएको छ । सेल्फी खिच्ने क्रममा रेलिङ भाँचिएर लड्दा गम्भीर घाइते भएकी खड्कालाई नेपाल प्रहरी अस्पताल महाराजगञ्जमा लगिएको थियो । उपचारको क्रममा उनको मृत्यु भएको हो ।
रेलिङ भाँचिदा लडेर घाइते भएकी ३८ वर्षीया अन्जु कार्कीको ग्रिन सिटी अस्पतालमा उपचार भइरहेको छ ।
यो खबर पढेर तपाईलाई कस्तो महसुस भयो ?
