चौंरीदेउरालीमा चैत्र १५ गतेदेखि तेस्रो अध्यक्ष गोल्ड कप हुने
मंगलबार, चैत्र ०८, २०७८ | ११:१०:४१
काभ्रे : जिल्लाको चौंरीदेउराली गाउँपालिकामा तेस्रो अध्यक्ष गोल्ड कप हुने भएको छ । गाउँपालिकले तेस्रो अध्यक्ष गोल्ड कप हुने बारे सूचना प्रकाशित गर्दै जानकारी गराएको हो । तेस्रो अध्यक्ष गोल्ड कप चैत्र १५ र १६ गते गाउँपालिका स्थित र्तीथ स्मृति खेलमैदान, क्यौरेनीमा हुनेछ ।
तेस्रो अध्यक्ष गोल्ड कपमा प्रथम हुने टिमले १ लाख रुपैँया नगर, शिल्ड मेडल र प्रमाणपत्र, दोस्रो हुनेले ५० हजार रुपैँया, शिल्ड मेडल र प्रमाणपत्र र तेस्रो हुनेले २५ हजार रुपैँया, शिल्ड मेडल र प्रमाणपत्र प्राप्त गर्नेछन् ।
तेस्रो अध्यक्ष गोल्ड कपमा सहभागी हुने इच्छुक टिमले चैत्र १४ गते बिहान १० बजेदेखि अपरान्ह ४ बजेसम्म गाउँपालिकाको कार्यालयमा दर्ता गर्न सकिने प्रकाशित सूचनामा उल्लेख गरिएको छ ।
यो खबर पढेर तपाईलाई कस्तो महसुस भयो ?
