‘एक घर एक धारा’ कार्यक्रमबाट बेथानचोक– ३ का ५ सय ५० घरधुरी लाभान्वित हुने
बिहिबार, चैत्र १०, २०७८ | १५:५४:१०
काभ्रे : जिल्लाको बेथानचोक गाउँपालिका वडा नं ३ मा एक घर एक धारा’ कार्यक्रम कार्यान्वयन हुने भएको छ । कार्यक्रम कार्यान्वयनको लागि तयारी भइरहेको वडा कार्यालयद्वारा आयोजित छलफल कार्यक्रममा जानकारी गराइएको हो ।
वडाले पाँच वर्षमा गरेका कामको जानकारी दिँदै बेथानचोक गाउँपालिका वडा न ३ का अध्यक्ष दिलबहादुर श्रेष्ठले एक घर एक धारा’ कार्यक्रमलाई पहिलो प्राथमिकतामा राखिएको बताए ।
बैशाख १ गतेसम्ममा ५५० घरधुरीमा एक घर एक धारा पु¥याइने लक्ष्य लिइएको उनले बताए । उनका अनुसार छ सय घरधुरी रहेको वडा न ३ मा हाललाई ५ सय ५० घरधुरीमा एक घर एक धारा कार्यक्रम लागू गरिनेछ ।
यो खबर पढेर तपाईलाई कस्तो महसुस भयो ?
