महिलामाथि हातपात गरेको आरोपमा युवा संघका केन्द्रीय सदस्य बम प्रहरी नियन्त्रणमा

काठमाडौं : महिलामाथि हातपात गरेको आरोपमा युवा संघका केन्द्रीय सदस्य वकिल बमलाई प्रहरीले नियन्त्रणमा लिएको छ । ठमेलस्थित एक दोहोरी साँझमा महिलामाथि हातपात गरेको आरोपमा नेकपा एमाले निकट युवा संघका केन्द्रीय सदस्य बमलाई प्रहरीले नियन्त्रणमा लिएको हो ।

पक्राउ परेका बमविरुद्ध अभद्र व्यवहारको कसुरमा म्याद लिएर अनुसन्धान अघि बढाइएको महानगरीय प्रहरी वृत्त सोह्रखुट्टेका डीएसपी दुर्गा दाहालले जानकारी दिए।बमले एक दोहोरी साँझकी गायिकामाथि हातपात गरेको आरोप लागेको छ । सिसी टिभी फुटेजा समेत बमले महिलामाथि हातपात गरेको देखिएको प्रहरीको भनाइ छ।

राति दोहोरी साँझ बन्द हुने बेलामा समेत बमले गीत गाउन लगाएको नमान्दा विवाद भएपछि बमले हातपात गरेको पाइएको छ।