८ लाख ९५ हजार रुपैयाँ बराबरको कपालसहित ३ जनालाई पक्राउ
सुनसरी : सुनसरी जिल्लाको कोशी गाउँपालिका-८ स्थित पूर्व-पश्चिम लोकमार्गबाट बिहिबार सशस्त्र प्रहरीले करीब ८ लाख ९५ हजार रुपैयाँ बराबरको कपालसहित ३ जनालाई पक्राउ गरेको छ ।
पक्राउ पर्नेहरुमा गाडी चालक झापा जिल्लाको बिर्तामोड नगरपालिका-८ बस्ने ३४ बर्षिय नविन खड्का, सह चालक झापा जिल्लाकै भद्रपुर नगरपालिका ४ बस्ने ३४ बर्षिय सुरेन्द्र निरौला र उक्त कपाल ल्याउँने ब्यक्ति भारतमा घर बताउने ३४ बर्षिय ताजमोल शेख छन् ।
सशस्त्र प्रहरी बल नेपाल बिओपी हरीपुरबाट खटिएको सशस्त्र प्रहरीले मे १ ख २६१२ नम्बरको ट्रकमा जाँच गर्दा १ हजार ५० किलो कपालको बिल बिजक नभएको पाईएपछि बरामद गरिएको हो । त्यसबेला उक्त ट्रकसमेत बरामद गरिएको छ ।
पक्राउ परेकाहरुलाई बरामद कपाल तथा ट्रकसहित आवश्यक कारवाहीको लागि राजश्व अनुसन्धान कार्यालय ईटहरीमा बुझाईएको सशस्त्र प्रहरीले जनाएको छ ।
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खबर
