नेपाल महिला संघले गर्‍यो च्याल्टी खोलाको सरसफाई

काभ्रे : नेपाल महिला संघ बेथान्चोक गाउँपालिका वडा नं ५ को आयोजनामा च्याल्टी खोला सरसफाई गरिएको छ । संघको आयोजनामा शनिबार च्याल्टी खोलाको सरसफाई गरिएको हो ।

च्याल्टी खोलामा फोहोरजन्य पद्धार्थहरुले खोला प्रदूषित हुदैँ गएकाले नेपाल महिला संघ बेथानचोक गाउँपालिका वडा नं ५ को आयोजना सरसफाई कार्यक्रम गरिएको संघले जनाएको छ । सरसरफाई कार्यक्रममार्फत आगामी दिनमा घर पसल र कार्यालयबाट निस्कने फोहोर खोलामा नफ्याल्न अनुरोध गरिएको थियो ।कार्यक्रममार्फत सरसफाइ अभियानमा सहभागी हुन समाजसेवी, बुद्धिजिबि विभिन्न राजनितिक दलका नेता तथा स्थानीयहरुलाई सहभागी हुने संघले आग्रह गरेको छ ।

सरसफाई कार्यक्रममा गाउँपालिकाका वडा अध्यक्ष तथा नेपाली काङ्ग्रेस बेथान्चोक –५ का सभापति खजेन्ची बहादुर लामा, नेपाली काँग्रेस बेथान्चोक –५का सचिब कमल फुयाल, नेपाली काँग्रेस गाउँपालिका सदस्य तथा क्षेत्रीय प्रतिनिधि राजु लामा, नेपाल महिला संघ बेथान्चोक –५ सभापति सबिना लामा लगायत को उपस्तिथि रहेको थियो ।