पनौती नयाँगाउँमा मिनि ट्रक दुर्घटना हुँदा एक युवकको मृत्यु
मंगलबार, चैत्र १५, २०७८ | २२:३४:००
काभ्रे: जिल्लाको पनौती नगरपालिका वडा नम्बर २ स्थित नयाँगाउँमा मिनी ट्रक दुर्घटना हुँदा एक युवकको मृत्यु भएको प्रहरीले जनाएको छ ।
मृत्यु हुनेमा स्थानीय २५ वर्षीय युवराज दाहाल रहेको इलाका प्रहरी कार्यालय बनेपाका प्रमुख राजन कोइरालाले बताए ।
उनका अनुसार आज साँझ बजारबाट गाउँ जाने क्रममा ट्रक सडकबाट पल्टिएर दुर्घटना हुँदा दाहालको मृत्यु भएको हो ।
दुर्घटना भएको मिनी ट्रक मृतक दाहालको नै रहेको बताईएको छ। घटना बारेमा थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
