म्यादी प्रहरी छनौटका लागि काभ्रेमा आज लिखित परीक्षा सम्पन्न
काभ्रे : स्थानीय तहको निर्वाचनको लागि सरकारले माग गरेको म्यादी प्रहरीको लागि काभ्रेमा आज लिखित परीक्षा सम्पन्न भएको छ । म्यादी प्रहरी छनौटका लागि काभ्रेमा चैत्र १५ गतेदेखि १७ गतेसम्म वियरिङ परीक्षण , शारीरिक तन्दुरुस्ती र स्वास्थ्य परीक्षण परीक्षा सञ्चालन गरिएको थियो ।
उक्त परीक्षामा उत्तीर्ण भएकाहरुको आज लिखित परीक्षा सम्पन्न भएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक हरि खतिवडाले जानकारी दिए । उनका अनुसार आज धुलिखेल स्थित धुलिखेल फुटबल ग्राउण्डमा जिल्ला सुरक्षा समिति काभ्रेपलाञ्चोकका पदाधिकारीहरुको उपस्थितिमा परीक्षा लिखित सम्पन्न भएको हो ।
सरकारले स्थानीय तहको निर्वाचन २०७९ को लागि चैत्र ६ गतेदेखि ११ गते म्यादी प्रहरी भर्ना आवेदन कार्य सुरु भएको थियो । निर्वाचनका लागि काभ्रेमा १६ सय ११ जना म्यादी प्रहरी माग गरेको छ । जसका लागि काभ्रेमा ८ सय ३४ जना महिला र २३ सय ३९ जना पुरुष गरी ३१ सय ७३ जनाले आवेदन दिएको जिल्ला प्रहरी कार्यालय काभ्रेका सूचना अधिकारी प्रहरी नायब उपरीक्षक हरि खतिवडाले जानकारी दिए ।
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खबर
