बाह्रबिसेमा ग्यास सिलिण्डर विष्फोट हुदाँ ३ बालबालिकाको मृत्यु

सिन्धुपाल्चोक : सिन्धुपाल्चोकको बाह्रबिसेमा ग्यास सिलिण्डर विष्फोट हुँदा ३ जना बालबालिकाको मृत्यु भएको छ। बाह्रबिसे नगरपालिका–८ स्थित मानेस्वाँरामा मिनबहादुर तामाङको घरमा ग्यास लिक भएर विष्फोट हुदाँ आगालगी भएको छ ।

आइतबार साँझ तामाङको घरमा आगलागी हुदाँ उनका १० वर्षीय छोरा इशाक, उनका भाइ कुमार तामाङका ६ वर्षीय छोरा सरगम र छिमेकी पदम तामाङकी अढाइ वर्षीया छोरी दिव्याको घरभित्रै जलेर मृत्यु भएको इलाका प्रहरी कार्यालय बाह्रबिसेका प्रहरी निरीक्षक देवेन्द्र शाहले जानकारी दिए। घटना बारेमा थप विवरण आउन बाँकी रहेको प्रहरीले जनाएको छ ।