पनौतीमा मेयरका लागि भोला थापाले दिए उम्मेदवारी 

काभ्रे : स्थानीय तहको निर्वाचन नजिकिँदै छ । निर्वाचन नजिकिएसँगै काभ्रेमा पनि चुनावी माहोल बढ्दै गएको छ । कहाँ कुन पार्टीबाट कसले उम्मेदवारी देलान् भन्ने सबैको चासोको विषय भएको छ ।

जिल्लाको पनौती नगरपालिकामा पनि मेयरका लागि कुन पार्टीबाट कसले उम्मेदवारी देलान् भन्ने जिज्ञासाकै विषय भएको बेलामा नेपाली काँग्रेसबाट भोला थापाले उम्मेदवारी दिएका छन् ।

मेयरको लागि टिकट हात पार्ने विषयमा धेरेको आकांक्षी देखिए पनि पत्रकार तथा समाजसेवी एवं व्यवसायि भोला थापाको बलियो सम्भावना रहेको देखिएको छ । पनौती नगर कांग्रेसका मेयरको मुख्य दाबी पत्रकार तथा सफल व्यवसायी थापा बलियो देखिएको हो ।

थापाको पनौतीमा कांग्रेसभित्र राम्रो प्रभाव देखिन्छ । त्यसकारण पनि उनले टिकट ल्याउन सक्ने सम्भावना समेत धेरै देखिएको पार्टी निकटका जानकारहरु बताउँछन् ।

मेयरका लागि नेपाली काँग्रेसबाट थापासँगै नेपाली काँग्रेस पनौतीको नगर समिति सभापति रामशरण भण्डारी, हाल पनौती नगरपालिका वडा नं ९ का वडा अध्यक्ष रहेका सहकुल हुमागाई लगायत पनि दाबेदार हुन् ।