भक्तपुरबाट १३ जुवाडे पक्राउ
बुधबार, चैत्र २३, २०७८ | १२:२७:२४
भक्तपुर : भक्तपुरबाट १३ जुवाडेलाई प्रहरीले पक्राउ गरेको छ । भक्तपुरको चागुँनारायण नगरपालिका–६, नगरकोट, गैरीगाँउबाट आठ लाख २२ हजार ६० रुपैयाँसहित १३ जुवाडेलाई प्रहरीले पक्राउ गरेको हो ।
मनबहादुर तामाङले आफ्नै तीनतले घरमा सञ्चालन गरेको न्यु गन्तव्य रेस्टुरेन्ट एन्ड होटेलमा जुवा (कौडा) खेलाइरहेको अवस्थामा उनीहरू पक्राउ परेका जनाइएको छ ।
महानगरीय प्रहरी परिसर भक्तपुरबाट खटिएको प्रहरी टोलीले उनीहरूलाई नियन्त्रणमा लिएको हो । उनीहरूका साथबाट सो रकमसहित १६ थान कौडा समेत बरामद भएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
ट्रेन्डिङ
सम्बन्धित खबर
