अवैध लागु औषधसहित दुई युवक पक्राउ

काठमाडौं : अवैध लागु औषधसहित दुई युवकलाई प्रहरीले काठमाडौँको नाङढुंगाबाट पक्राउ गरेको छ । पक्राउ पर्नेमा बारा घर भएका २३ वर्षीय साहिद राजा र सुनसरीको हडी गाउँपालिका–३ घर भएका २३ वर्षीय प्रमोद कुमार मेहता छन् । उनीहरुलाई बुधबार प्रहरीले पक्राउ गरेको हो ।

बाराबाट काठमाडौं आउँदै गरेको ना।७ ख ७१३२ नम्बरको बस र काँकडभिट्टाबाट काठमाडौं आउँदै गरेको प्रदेश–०३–००१ ख २३१४ नम्बरको बसमा उनीहरुले लागु औषध लिएर आएका थिए । आरोपीहरुको साथबाट २४ सय ५ ट्याब्लेट नाइट्राभेट, २ सय एम्पुल फेनारगन, २ सय एम्पुल डाइजेपाम र २ सय एम्पुल लुपिजेसिक बरामद गरिएको महानगरीय प्रहरी परिसर काठमाडौंले जनाएको छ ।

पक्राउ परेका दुई युवकहरुमाथि अनुसन्धान भइरहेको प्रहरीले जनाएको छ ।