भोजपुरमा ट्रयाक्टर दुर्घटना : एक युवकको मृत्यु

भोजपुर : भोजपुरमा ट्रयाक्टर दुर्घटना हुदाँ एक जनाको मृत्यु भएको छ । भोजपुरको रामप्रसाद राई गाउँपालिका–५ कावा खोलामा मंगलबार राति ट्रयाक्टर दुर्घटना हुदा एकजनाको मृत्यु भएको प्रहरीले जनाएको छ ।

मृत्यु हुनेमा ट्याक्टरमा सवार रामप्रसाद राई गाउँपालिका–७ बासिखोराका २० वर्षीय जेबि राई रहेका छन् । दुर्घटनामा गम्भीर घाइते भएका उनको उपचारका क्रममा जिल्ला अस्पताल भोजपुरमा मृत्यु भएको प्रहरीले जनाएको छ ।

ईट्टा लिएर भोजपुरबाट बासिखोरातर्फ आउँदै गरेको प्रदेश १–०२–००३ त २२४९ नम्बरको ट्याक्टर गएराती १० बजे अनियन्त्रित भइ सडकबाट अन्दाजी २ सय मिटर तल खसेको थियो । ट्याक्टर चालक फरार भएकोले खोजी भइरहेको प्रहरी चौकी माने भञ्ज्याङले जनाएको छ ।