सुनको मूल्य आज ३ सय रुपैँयाले बढ्यो

काठमाडौं : नेपाली बजारमा आज सुनको मूल्य ३ सय रुपैँयाले बढेको छ । अघिल्लो दिन प्रतितोला एक लाख ६ सय रुपैयाँमा कारोबार भएको छापावाल सुनको मूल्य आज बिहिबार प्रतितोला एक लाख ९ सय रुपैयाँमा कारोबार भएको सुनचाँदी व्यवसाय महासङ्घले जनाएको छ ।

बुधबारको तुलनामा आज विहिबार सुनको मूल्य प्रतितोला ३०० रुपैयाँले बढेको हो । महासङ्घका अनुसार आज तेजाबी सुनको मूल्य प्रतितोला एक लाख ४ सय रुपैयाँ कायम गरिएको छ ।

यस्तै चाँदीको मूल्य भने घटेको छ । अघिल्लो दिन प्रतितोला १ हजार ३८५ रुपैयाँमा कारोबार भएको चाँदी आज ५ रुपैयाँले घटेर प्रतितोला १ हजार ३८० रुपैयाँमा कारोबार हुने महासङ्घले जनाएको छ ।