पनौती –७ को अध्यक्षमा नेकपा एमालेबाट जंगमको चर्चा

काभ्रे : स्थानीय तहको निर्वाचन २०७९ को लागि जिल्लाको पनौती नगरपालिका वडा नं ७ को वडा अध्यक्षका लागि नेकपा एमालेबाट जंग बहादुर जंगमको चौतर्फी चर्चा बढेको छ । युवा व्यवसायी एवं कुशल राजनितिकर्मीको रुपमा परिचित जंगमले वडा अध्यक्षको उम्मेदवारी पाउने पक्का पक्की पार्टी निकटका जानकारहरु बताउँछन् ।

जंगम राजनितिक क्षेत्रमा एक दशकदेखि सक्रिय छन् । राजनितिकसँगै सामाजिक क्षेत्रमा पनि उल्लेखीय भूमिका निर्वाह गर्दै आएका जंगम पनौतीमा सबैको मनमुटुमा बस्न सफल भएका छन् । सामाजिक एवं विकास निमार्ण कार्य सक्रिय रहेका जंगमले वडाको कुशल नेत्तृत्व गर्न सक्षम भएकाले पनि नेकपा एमालेले उनलाई अध्यक्षको उम्मेदवारी दिने पक्का पक्की भएको जानकारहरु बताउँछन् ।

वडाको सम्मुनत विकास र सम्बृद्धिका लागि जंगम विकासी एजेण्डा सहित नेकपा एमालेबाट पनौती नगरपालिका वडा नं ७मा वडा अध्यक्षमा चुनावी मैदानमा उत्रिएका छन् ।