समृद्ध नमोबुद्धका लागि मेरो उम्मेदवारी : राजन भुर्तेल

काभ्रे : नेकपा एमालेको तर्फबाट नमोबुद्द नगरपालिकाका मेयरका उम्मेदवार राजन भुर्तेलले समृद्ध नमोबुद्दको सपना पुरा गर्न उम्मेदवारी दिएको बताए ।

विकास निर्माण, सुशासन, समृद्धि र राष्ट्रियताको सवालमा नेकपा एमालेको स्पष्ट दृष्टिकोण रहेकाले समृद्ध नमोबुद्दका लागि एमालेले नै जित्पुर्ने उनले बताए । जनताले हिजो पनि विश्वास गरेकाले यो पटक पनि विश्वास गर्ने भुर्तेलले बताए । जनताको साथ लिएर सुखी नागरीक, समृद्ध नमोबुद्दको सपना साकार पर्ने उनको भनाई छ ।

जिल्लाभरी दर्ता भएका सम्पूर्ण दल एकातिर र एमाले एक्लै एकातिर हुँदा पनि एमालेले अरु दललाई पराजीत गर्ने उनको दाबी छ । आफु निर्वाचित भएपछि विश्वसम्पदा सुचीमा सुचिकृत हुन प्रस्तावित नमोबुद्द क्षेत्रलाई सुचीकृत गराउने, धार्मिक पर्यटन र कृषि क्षेत्रको विकासलाई प्राथमिकता दिने मेयरका भुर्तेलले बताएका छन ।