काभ्रेका चार कृषक ‘राष्ट्रपति उत्कृष्ट कृषक पुरस्कार’द्वारा सम्मानित
मंगलबार, जेठ १७, २०७९ | १९:०८:२३
काभ्रे : काभ्रेका चार जना कृषकलाई ‘राष्ट्रपति उत्कृष्ट कृषक पुरस्कार’द्वारा सम्मानित गरिएको छ ।
कृषि तथा पशुपक्षीका क्षेत्रमा उल्लेखनीय काम गरेबापत कृषि ज्ञान केन्द्र धुलिखेल काभ्रेले आज काभ्रेका चार जना कृषकलाई सम्मान गरेको हो । काभ्रेबाट २८ कृषकले दिएको निवेदनमध्ये आज (मंगलबार) एक समारोहबीच काभ्रेका चार जना उत्कृष्ट कृषकलाई सम्मान गरिएको हो।
सम्मानित हुनेमा काभ्रे नमोबुद्ध नगरपालिका– ८ मा अवस्थित एलिस्का कृषि फर्मका सञ्चालक दीपेशचन्द्र तामाङ, बनेपा नगरपालिका– १३ स्थित झ्याम्मल कृषि फर्मका सञ्चालक कमला तामाङ, मण्डनदेउपुर नगरपालिका– ६ स्थित मडिल कृषि फर्मका सञ्चालक राजेन्द्र ढकाल र बनेपा नगरपालिका– ४ की अप्सरा घिमिरे तिमल्सिना रहेका छन्।
काभ्रेका चार कृषकसहित सिन्धुपाल्चोकका तीन जना कृषकलाई पनि सम्मान गरिएको थियो ।
यो खबर पढेर तपाईलाई कस्तो महसुस भयो ?
