जिल्ला समन्वय समिति काभ्रेको निर्वाचन असार १ गते हुने

काभ्रे : असार १ गते जिल्ला समन्वय समिति काभ्रेको निर्वाचन हुने भएको छ । मुख्य निर्वाचन अधिकृतको कार्यालय काभ्रेले कार्यतालिका सार्वजनिक गरेर
असार १ गते जिल्ला समन्वय समितिको निर्वाचन हुने बारे जानकारी गराएको हो ।

मुख्य निर्वाचन अधिकृतको कार्यालयले सार्वजनिक गरेको कार्यतालिका अनुसार ‘जेठ २७ गते नामावली प्रकाशन गर्ने, २८ गते नामावली सच्याउन र संशोधन गर्ने, मतदाताको नामावलीमा उजुरी दिने तथा अन्तिम नामावली प्रकाशन गर्ने, २९ गते मनोनयन दर्ता, ३० गते उम्मेदावारको विरुद्ध दाबी विरोध गर्ने र ३१ गते उम्मेवारलाई चिह्न प्रदान गरी असार १ गते जिल्ला समन्वय समितिको निर्वाचन हुनेछ ।’