काभ्रेमा कोरोना संक्रमितको संख्यामा बृद्धि : आज मात्रै १३ जनामा संक्रमण

काभ्रे : दुई दिन यता जिल्लामा कोरोना संक्रमितको संख्या क्रमिक रुपमा बृद्धि हुदैँ गएको छ । पछिल्लो २४ घण्टामा काभ्रेमा थप १३ जनामा कोरोना संक्रमण पुष्टि भएको जिल्ला स्वास्थ्य कार्यालय काभ्रेले जनाएको छ ।

कार्यालयका अनुसार पछिल्लो २४ घण्टामा गरिएको ४७ वटा पिसिआर र ४२ वटा एन्टिजेन गरी ८९ वटा परीक्षणमा १३ वटा पिसिआर रिपोर्ट पोजेटिभ आएको छ । १३ जना संक्रमितमध्ये ८ जना धुलिखेल नगपालिका र ५ जना नमोबुद्ध नगरपालिकाको रहेको जिल्ला स्वास्थ्य कार्यालय काभ्रेका प्रमुख डा.पुरुषोत्तम राज सेढाईँले जानकारी दिए ।

उनका अनुसार जिल्लामा अहिले १८ जना सक्रिय कोरोना संक्रमित रहेका छन् । जसमध्ये ९ जना विदेशी नागरिक रहेका छन् । जिल्लामा कोरोना संक्रमितको संख्यामा बृद्धि भएसँगै जिल्ला स्वास्थ्य कार्यालय काभ्रेले स्वास्थ्य सुरक्षाको मापदण्ड पालना गर्न आग्रह गरेको छ ।