इलाका प्रहरी बनेपाद्वारा दुर्घटनामा संलग्न सवारी र चालक पक्राउ

काभ्रे : दुर्घटनामा संलग्न सवारी र चालकलाई प्रहरीले पक्राउ गरेको इलाका प्रहरी कार्यालय बनेपाले जनाएको छ । कार्यालयका अनुसार पक्राउ पर्नेमा मण्डनदेउपुर नगरपालिका वडा नं ७ का सवारी चालक सबिन राई रहेका छन् । उनलाई प्रहरीले आज असार ३२ गते पक्राउ गरेको हो ।

कार्यालयका अनुसार यहीँ असार १८ गते बिहान ४ : ३० बजेको समयमा बनेपा नगरपालिका वडा नं ७ स्थित अरनिको राजमार्ग सडक खण्डमा राईले चलाएको लु २ ख १९१० नम्बरको टिपरले बनेपा नगरपालिका वडा नं ८ पुष्पलाल मानन्धरलाई ठक्कर दिएको थियो ।

टिप्परको ठक्करबाट मानन्धर गम्भिर घाइते भएका थिए । मानन्धरलाई ठक्कर दिई फरार  रहेका सवारी र चालक दुवैलाई नियन्त्रणमा लिइएको इलाका प्रहरी कार्यालय बनेपाका प्रमुख प्रहरी निरीक्षक नारायण थापाले जानकारी दिए ।

उनका अनुसार उक्त वारदातमा संलग्न टिपर र चालकलाई दुवैलाई नियन्त्रण लिई कानुनी दायरामा ल्याइएको छ ।