रोशीको डालाबेशीमा मोटरसाइकल दुर्घटना हुँदा १ जनाको मृत्यु, १ जना घाइते
मंगलबार, साउन ०३, २०७९ | ११:५२:४१
काभ्रे : जिल्लाको रोशी गाउँपालिका वडा नं ११ स्थित डालाबेशीमा मोटरसाइकल दुर्घटना हुँदा एक जनाको मृत्यु भएको छ भने एक जना घाइते भएका छन् ।
आज बिहान साढे २ बजे डिभाइडरमा मोटरसाइकल ठोक्किएर दुर्घटना हुँदा चालक सिन्धुलीको मझुवा गाउँपालिका ५ का १९ वर्षीय मिलन मग्रातीको मृत्यु भएको जिल्ला प्रहरी कार्याल काभ्रेले जनाएको छ ।
कार्यालयका अनुसार काठमाडौंबाट सिन्धुलीतर्फ जाँदै गरेको बा७०प ४१८२ नम्बरको मोटरसाइकल हुदाँ गम्भिर घाइते भएका मग्रातीको धुलिखेल अस्पतामा उपचारको क्रममा मृत्यु भएको हो ।
सो दुर्घटनामा मोटरसाइकल पछाडि बसेका मृतकका २१ वर्षीय दाइ प्रेमबहादुर मग्राती घाइते भएका छन् । उनको अवस्था सामान्य रहेको र धुलिखेल अस्पतालमा उपचार भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
